Советот: „Сакај се себеси!“ звучи премногу едноставно. Може да си помислите дека недостасува само одлуката и веднаш ќе се ослободите од комплексите, чувството на вина, ќе ги затворите очите пред своите несовршености и ќе се прифатите онакви какви што сте.
Сигурно се прашувате: „Ама што конкретно значи тоа?“, бидејќи веќе сте го виделе овој совет во сто други статии.
Всушност, да не се сакаш себеси е чисто внатрешна состојба.
Мислам дека никој не се смета себеси за грд, неуспешен, лош или глупав, врз основа на своите лични проценки. Сакањето и несакањето на себеси се формира во детството. Критиките од родителите најмногу влијаат на тоа како детето ќе се однесува кон себеси кога ќе порасне.
Ситуацијата зависи и од тоа како мајката и таткото се однесуваат кон себеси. Факт е дека родителите се гледаат себеси во своите деца и често се поистоветуваат со нив. Секоја критика на детето е пред сè насочена кон себеси. Односно, кога мајката ќе ги подигне веѓите и ќе ги собере усните кога ќе види „двојка“ во дневникот, таа е разочарана од себе, таа е незадоволна од себеси.
Критиката игра голема улога во формирањето на самодовербата. Имено, НЕ ПОСТОИ НЕШТО КАКО КОНСТРУКТИВНА КРИТИКА. Генерално, секој човек кој ќе слушне: „Не е идеално“ или „Можело и подобро да се направи“, всушност верува „Јас не сум идеален“, „Јас можам да бидам и подобар“.
Оваа особина е покарактеристична за жените, но ја има и кај мажите. Луѓето се проценуваат според тоа како спротивниот пол ги оценува. Односно, за многу девојки успехот во емотивниот живот е синоним за нивната привлечност, самодоверба и исполнетост. А ако нема маж, тогаш таа е веднаш „страшна“, „глупава“ и „лоша“. Јасно е дека присуството или отсуството на партнер нема никаква врска со сето горенаведено: човек може да биде супермодел со диплома од Оксфорд и едноставно да се плаши од врски.
Да не се сакаш себеси е нешто што се учи уште од детството и трае со години. Затоа е нереално да очекуваме дека ќе промениме нешто веднаш. Сепак, постојат одредени методи кои ќе ви овозможат чекор по чекор да се приближите до таа цел. И верувајте ми, вреди.
Самоуверениот човек ретко губи, ниеден проблем не го доживува како трагедија, туку како интересна загатка, која дефинитивно тој ќе може да ја реши. Со ваквиот став се „трансформира“ и надворешниот изглед: БИДЕЈЌИ ОКОЛИНАТА НЕ ГЛЕДА ОНАКА КАКО ШТО НИЕ САМИТЕ СЕ ГЛЕДАМЕ. Ова е аксиома!
Затоа, прво почнете да ги почитувате вашите одлуки. Ако планиравте да одите во музеј денес, а вашиот пријател ве покани во кино – одете во музејот. Ова ќе ви даде не само самодоверба, туку и чувство на контрола над вашиот живот. Постепено ќе се одучите да пливате како што ве носи водата и да „играте како што ќе ви свират“.
Второ, почитувајте ги вашите желби. Запрашајте се што сакате за појадок, каде сакате да одите на одмор, што сакате да облечете, со кого сакате да разговарате. Прекинете ги сите контакти што ги одржувате „од пристојност“. Престанете да правите бескрајни компромиси со светот – околината, околностите. Изберете сами. Нема потреба да се убедувате себеси дека времето, желбите и потребите на другите се поважни од вашите.
И конечно – почнете да се однесувате како самоуверен човек. Мирно, без мака, искажете го вашето мислење, дајте си за право да не се согласувате со некого и нешто. Размислете за вашите интереси. И ве уверувам, ќе дојде љубовта кон себеси. ЗАТОА ШТО КОНЕЧНО ГО ЗАПОЗНАВТЕ ЧОВЕКОТ КОЈ ШТО СТЕ!
